Monat: Juli 2022

ஒரு கவியரங்கமோ அல்லது பட்டிமன்றமோ நடைபெறும் வேளையில்
மக்களின் கரவொலியோடு அவர்களின் பேராதரவைப் பெறுவதற்கு ,
அதில் கலந்து கொள்பவர்களோடு தலைமைகளாய் வீற்றிருப்பவர்களும்
முக்கிய வகிபாகத்தை யளிக்கின்றனர் . தலைமைகளின் ஆற்றலும்
ஆளுமையும் நிகழ்ச்சிக்கு உந்துசக்தியாக அமைகின்றது !

      STS தமிழ் தொலைக்காட்சியில் வாராவாரம் நடைபெற்றுவரும்

பெண்ணே நீ பேசவா நிகழ்ச்சியில் ஒவ்வொரு துறையிலும் ஆளுமையுள்ள
பல பெண்கள் மிகச்சிறப்பாக உரையாடியிருந்தார்கள் . அந்நிகழ்ச்சியில்
தொகுப்பாளராய் வீற்றிருக்கும் திருமதி . தமிழரசி ஜெயதாசன்
ஆளுமையின் சிகரமாகத் திகழ்கின்றார் ! புன்முறுவல் பூத்த முகத்தோடு
அந்நிகழ்வில் பங்குபற்றும் பெண்களோடு அன்பாக அளவளாவி மிகவும்
பண்பாகவும் , நாகரிகமாகவும் உரையாடி ; அந்தப் பெண்களுக்குள்
மறைந்து கிடந்த திறன்களையும் ஆற்றல்களையும் வெளிக்கொணர்வதில்
வெற்றிகண்டுள்ளார். அந்நிகழ்வு தொய்வுநிலை காணாமல் தொடர்வதற்கு
அவரின் பங்களிப்பு அவசியமாகின்றது ! அவரின்பணி தொடரட்டும் !
அவருக்கு எமது பாராட்டுக்களும் வாழ்த்துகளும் உரித்தாகட்டும் .

              -21 - 07 - 2022 அன்புடன் இரா . சம்பந்தன்

அரங்கமும் அதிர்வும்
என்ற பெயரோடு
நாட்டுநடப்பை,உலகநடப்பை சமுதாயக்கருத்தை
பண்பாட்டுபழக்கத்தை
எமதுவரலாற்றுப்பதிவுகளை புலத்தில் வந்துபடும் நன்னைதீமைகளை எதிர்காலவாழ்வை எம்சந்ததிக்கான விழிப்பை
இயல்இசைநாடகத்தை
மறைந்தும்மறையாத கலைஞர்களை வாழும்கலைஞர்களை சமுதாயச்சிந்தனையும் அக்கறையும் கொண்ட பேச்சாளர்களை முன்னிறுத்தி நடுவராக நின்று வழிநடாத்தும் எங்கள் இதயம்
தில் நிறைந்த சமூகநலத்தொண்டன் கணேஷ்அண்ணாவுக்கு வாழ்த்துக்கள் கிடைத்த ஊடகத்தின் வழியாக அரங்கமும்அதிர்வும் நூறாவதைத்தொடுவது உங்கள்உழைப்பின் உச்சம் சோர்ந்துபோகாத சமுதாயச்சிப்பிகளே வாழ்த்துக்கள் நெஞ்சம் நெகிழ்ந்து உங்களை வாழ்த்திவணங்குகின்றேன்
STS ஊடகமே தொழில்நுட்பக்கலைஞர்களே வாழ்த்துக்கள் பேச்சாளப்பெருமக்களே நீங்கள் எங்கள் சமூகத்தின் ஒளிவிளக்குகள் உங்கள் கருத்துக்கள் நாளைய வாழ்வுக்கும் சமுதாய நலனுக்கும் நல்லபாதை காட்டும் அரங்கமும்அதிர்வும் குழுவுக்கு என்வாழ்த்துக்கள் வாழ்க எங்கள் கலைச்சொத்துக்களே

தாயகத்திலிருந்து கவிஞர்கள் தரும்
கவிதா நிகழ்வில் கலந்து கொண்ட
செல்வி வர்ணி சச்சிதானந்தம்
அவர்கள் மிகச்சிறப்பாக
உணர்வுபூர்வமாக கவிதைகளை
யாத்தளித்திருந்தார். நாடி நரம்புகளில் சுத்தக் குருதி
ஏறிநடந்து உடலுக்கு ஆரோக்கியம் அளிப்பது போல்
அவருடைய கவிதைகள் சமூகத்திற்கு நன்மை பயக்கும்.
அவருக்கு எமது நெஞ்சார்ந்த
வாழ்த்துகள்

இன்நிகழ்வின் தொகுபாளர் இசையமைப்பாளர், STS தமிழ் தொலைக்காட்சி இயக்குனர், கவிஞர் எஸ்.தேவராசா அவர்களின் தொகுப்புக்கும் இன் நிகழ்வின் சிறப்புக்கும்
வாழ்த்துக்கள்

கவிஞர் எழுத்தாளர் இரா . சம்பந்தன் யேர்மனி
அன்புடன் இரா. சம்பந்தன்